"കാറ്റേ കാറ്റേ നീ.."

സെല്ലുലോയിഡിലെ ഗാനം..

നന്ദി..വിജയലക്ഷ്മി..

മന കണ്ണിലെ സംഗീതം ശബ്ദ തരംഗത്തിലേറ്റി മയാളിയുടെ മനസ്സിലേക്ക് മധുരമായി ചൊരിഞ്ഞു...വൈക്കം വിജയലക്ഷ്മി..

കേട്ടുവോ നിങ്ങള്‍ ഈ ഗാനം? ഇല്ലെങ്കില്‍ ഇന്നുതന്നെ കേള്‍ക്കൂ..അനുഗ്രഹീത കലാകാരന്മാര്‍ ഒന്നിക്കുമ്പോള്‍ സംഗീതവിസ്മയം തന്നെയാണ് അനുഭവ വേദ്യമാകുക. അതിനു തെളിവാണ് സെല്ലുലോയിഡ് എന്ന കമല്‍ ചിത്രത്തിലെ "കാറ്റേ കാറ്റേ.." എന്ന ഗാനം..കാഴ്ച ശേഷി ഇല്ലാത്ത വൈക്കം വിജയലക്ഷ്മിയുടെ സ്വരമാധുരി മലയാളിക്ക് പുതിയ ഒരു അനുഭവം തന്നെയാണ് നല്‍കുന്നത്.

ഗാനത്തെ പറ്റി ഒരു വാക്ക് 

മലയാളം സിനിമയുടെ പിതാവ് ശ്രീ ജെ സി ഡാനിയല്‍ എന്നാ മഹാ പ്രതിഭയ്ക്ക്പ്രമുഖ മലയാള ചലച്ചിത്ര സംവിധായകന്‍കമലിന്‍റെ ശ്രദ്ധാന്ജലി ആണ് സെല്ലുലോയിഡ് എന്ന ചിത്രം. ഈ ചിത്രത്തിന് വേണ്ടി റഫീഖ് അഹമ്മദ് എഴുതിയ വരികള്‍ക്ക് ജയചന്ദ്രന്റെ മാസ്മരിക സംഗീതം കൂടി ചേര്‍ന്നപ്പോള്‍ മുംബ് കെ എസ് ജോര്‍ജും സുലോചനയും പാടിയ നാടക ഗാനങ്ങളുടെ ഒരു ഭാവം ഈ ഗാനത്തിനും കൈവന്നു.ഒരു ഗ്രാമീണ ഗാനത്തിന്‍റെ പുനര്‍ജ്ജന്മംആയി കരുതാം ഈ ഗാനത്തെ...വൈക്കം വിജയ ലക്ഷ്മിക്കൊപ്പം ഈ ഗാനം ആലപിച്ചത് ജി ശ്രീരാം ആണ്. ഓള്‍ ഇന്ത്യ റേഡിയോയില്‍ പ്രോഗ്രാം എക്സിക്യൂട്ടീവ് ആണ് ഇദ്ദേഹം. വര്‍ഷങ്ങളായി പഴയ മലയാള നാടക സിനിമാ ഗാനങ്ങള്‍ പുനര്‍ ആവിഷ്കരിക്കുക ആയിരുന്നു ശ്രീരാം..ഒപ്പം ട്രാക്ക് പാടുകയുംകോറസ് പാടുകയും..

വൈക്കം വിജയലക്ഷ്മി..

ഈപാട്ടിന്‍റെ ഏറ്റവുംപ്രധാന പ്രത്യേകത വൈക്കം വിജയലക്ഷ്മിയുടെ സ്വരമാധുരി തന്നെയാണ്. കെ പി എ സി സുലോചനയുടെഅതേ ശബ്ദം ഈ ഗാനത്തില്‍ ആവാഹിക്കാന്‍ വിജിക്ക് ആയി. സംഗീതകാരന്മാരുടെ കാസറ്റുകള്‍ കേട്ടുമാത്രം സംഗീതം ഹൃദിസ്ഥമാക്കിയ പ്രതിഭയാണ് വിജയലക്ഷ്മി..മാതാ പിതാക്കാളുടെ കണ്ണുകളില്‍ കൂടി മാത്രം ലോകം അറിയാന്‍ വിധിക്കപ്പെട്ട വിജയലക്ഷ്മി തളരാതെ പോരാടി ..ചികിത്സകള്‍ക്കു അതീതമായ അന്ധത ബാധിച്ച വിജയലക്ഷ്മി ഒരു വര്‍ഷത്തിനകം നൂറിലധികം രാഗങ്ങള്‍ സ്വായത്തമാക്കി..ഗാനങ്ങള്‍ ചിട്ടപ്പെടുത്തി..ഒരു ഗാനം കേട്ട മാത്രയില്‍ തന്നെ പുനരാവിഷ്കരിക്കാന്‍ ഉള്ള ഇവരുടെ കഴിവ് ദൈവഹിതം തന്നെയാണ്..തോടിയിലും ഭൈരവിയിലും ഇവര്‍ക്കുള്ള ജ്ഞാനം യേശുദാസിനെ പോലും അദ്ഭുതപ്പെടുത്തി. വിജയലക്ഷ്മിയുടെ മാനസ ഗുരു ആണ് ദാസേട്ടന്‍... . ഏക തന്ത്രി വാദ്യോപകരണമായ ഗായത്രി വീണയില്‍ അപാര പാണ്ഡിത്യമാണ് വിജിക്ക്. 

അഭിനന്ദിക്കാം ഈ ടീമിനെ..ഇങ്ങനെ ഒരു ഗാനം മലയാള സിനിമാ സംഗീതത്തിന് നല്‍കിയതിന് ..

ഈ ഗാനത്തിന്റെ വരികള്‍ ഇതാ..

"കാറ്റേ കാറ്റേ നീ പൂക്കാ മരത്തില് ..

പാട്ടും മൂളി വന്നോ പാട്ടും മൂളി വന്നോ 

ഞാലിപൂങ്കദളി വാഴ പൂക്കളില്‍ ആകെ തേന്‍ നിറഞ്ഞു 

ആറ്റു നോറ്റു ഈകാണാ മരത്തിനു പൂവുംകായും വന്നു 

മീന തീവെയിലില്‍ ചൂടില്‍ താണു താനേ 

തൂവല്‍ വീശി നിന്നൂ. .തൂവല്‍ വീശി നിന്നൂ

ഇന്നലെ എങ്ങോ പോയി മറഞ്ഞു.

ഇന്നൊരു സ്വപ്നം കൂടെ വന്നു..

വെന്തു കരിഞ്ഞൊരു ചില്ലകളില്‍ 

ചെന്തളിരിന്‍ തല പൊന്തി വന്നു..

കുഞ്ഞിളം കൈ വീശി വീശി..

ഓടിവായോ പൊന്നുഷസ്സെ..

കിന്നരിക്കാന്‍ ഓമനിക്കാന്‍ 

മുത്തണി പൂ തൊട്ടിലാട്ടി 

കാതില്‍ തേന്മൊഴി ചൊല്ലാമോ 

കാറ്റേ കാറ്റെ..

വിണ്ണിലെ മാരിക്കാര്‍ ഒഴിഞ്ഞു 

വെള്ളി നിലാവിന്‍ തേരു വന്നൂ 

പുത്തരി പാഠം പൂത്തുലഞ്ഞു 

വ്യാകുല രാവിന്‍ കൊളൊഴിഞ്ഞു 

ഇത്തിരി പൂ മൊട്ടുപൊലെ 

കാത്തിരിപ്പൂ കണ്‍ പീലിയാല്‍ 

തത്തി വരൂ കൊഞ്ചി വരൂ തത്തകളെ 

അന്ജിതമായി നേരം നല്ലത് നേരമോ

കാറ്റേ കാറ്റേ നീ പൂക്കാ മരത്തില് ..

പാട്ടും മൂളി വന്നോ പാട്ടും മൂളി വന്നോ 

ഞാലി പൂങ്കദലി വാഴ പൂക്കളില്‍ ആകെ തേന്‍ നിറഞ്ഞു 

ആറ്റു നോറ്റു ഈകാണാ മരത്തിനു പൂവുംകായും വന്നു 

മീന തീവെയിലില്‍ ചൂടില്‍ താണു താനേ 

തൂവല്‍ വീശി നിന്നൂ. .തൂവല്‍ വീശി നിന്നൂ..തൂവല്‍ വീശി നിന്നൂ